Is jy 'n Superhero?

Superhero's, aai, kan tog ons verbeelding aangryp. Die een ding wat ek wel in al die stories sien, is dat daar ook altyd 'n emosionele uitdaging is. Vir Batman is dit die moord op sy ouers, vir Spiderman die feit dat sy pa en ma dood is en dat sy oupa vermoor is. Superman voel soos 'n buitestander en wil graag 100% mens wees en kryptonite hou hom terug.

In al die stories is daar karakterontwikkeling waar hierdie hero sy onderliggende emosies moet verwerk en hanteer. Die vraag is in elkeen van ons, wat is dit wat jou terughou om jou doel op aarde te bereik. Wat is die kryptonite wat jou krag steel en jou terughou?

Soos in die films, verstaan ons dat die hero altyd 'n keuse het. Hy kan altyd kies om nie sy doel uit te speel nie. Maar daar is 2 dinge wat altyd gebeur, hulle kies eerstens om tyd te spandeer aan hulle "issue". Hulle hanteer dit, soms met woede, soms met oorgee aan omstandighede, soms met gesels en soms met blaam. Dit wys hulle menslikheid wat in elkeen van ons ook leef. So sit ek en jy elke dag met die dinge wat ons terughou, net soos superheroes. Daarom moet ons ook verstaan, analiseer en verwerk wat ons terughou.

Tweedens antwoord hulle die roep van hulle super-wees, te midde van alles wat in hulle gebeur. Hulle besef dat niemand anders superman of spiderman is nie, en niemand anders kan of gaan die wereld kan red nie. Net so, is elkeen van ons uniek in die mense om ons se lewens en niemand anders kan of gaan jou gawe kan uitleef in jou wereld nie. Snaaks is dat wanneer ek al my dinge in myself oorkom het, dan het ek skielik die krag, veral wanneer die aantrekkingskrag van wat moet gebeur groter is as die kryptonite.

Hugo, my oudste is mal oor sy hokkie. Hy erken self sy tekortkominge, maar saterdag vertel hy dat wanneer hy op die veld stap, daar iets magies en spesiaal met hom gebeur. Skielik is hy 'n ander mens en fokus hy net op die doel van waarmee hy besig is.

Alhoewel superman altyd allergies is vir kryptonite, weerhou dit niks van hom om sy doel te bereik nie.

Ek het nogal die ding in my om so erg analities te fokus op my eie issues in my, dat ek in die hoekie sit en nie die veld betree nie.

Die "law of attraction" gaan beslis ook gepaard met aksie. Deur net op 'n hopie te sit en te kerm omdat ek nie die lotto wen nie, gaan nooit sy doel bereik indien ek nie die kaartjie gaan koop nie. Rig jou lewe en jou aksies in die rigting of op die pad van waar jy wil wees. Vat die stuurwiel van jou eie lewe, en stuur die neus in die rigting van waar jy wil wees.

Dit is soveel beter as om agter in die bus te sit en te hoop jy gaan jou bestemming bereik. En as jy nie krag het nie, gebruik jou ander superkrag van jou brein om ten minste voor op die bus te kyk waar die bus heen gaan.

Deon Lewis
0767801421
BBM Pin 26F40471
Also find me on Whatsapp

Sent via my BlackBerry from Vodacom - let your email find you!