Tikfoute

Vanoggend tik ek 'n e-mail na iemand, en outomaties pla iets my oor die e-mail adres. Iets in my sê vir my dat iets daarmee verkeerd is. By nadere ondersoek kom ek agter dat daar wel 'n fout is.

Jakobus 4:17 se dat as ons weet dat iets verkeerd is en ons doen dit steeds, dan doen ons sonde. In die teologie word hierdie wete van God en reg en verkeerd genoem die algemene openbaring van God. Elkeen van ons het hierdie stemmetjie in ons wat vir ons 'n aanduiding is wanneer ons iets moet doen en nie moet doen nie.

Ons tik elke dag van ons lewens, en ons moet leer om te luister na die stemmetjie binne ons wat ons oortuig daarvan dat ons die adres verkeerd het. As ek die e-mail adres verkeerd het, dan kom die boodskap nie uit waar dit veronderstel is om uit te kom nie. So baie mense vra na die sin van die lewe en mense vra na wat die wil van God in ons lewens is. Terwyl die boodskappe binne ons leef.

Die uitdaging is dat ons ons naaste moet liefhe soos onsself. As ek dus iemand seermaak, maak ek myself seer. As ek iemand anders skade aandoen, doen ek myself skade aan. Die ou spreekwoord lui dat jy jou neus afsny om jou gesig te "spite". Alles wat jy aan ander mense doen, kom terug na jou.

Die uitdaging bly dus steeds om jouself te ken, en om die stemmetjie in jou te vertrou. Partykeer is ons hardkoppig, en dan verwerp ons die stemmetjie, en skep ons eie stemmetjie, want ons hou nie van die liedjie wat nou speel nie. En dan gaan jy jou kop stamp.

Ek kry vanoggend 'n BBM van iemand oor Lady Gaga en 'n liedjie wat sy sing. Dit is vir my so 'n goeie voorbeeld. Die lirieke van die liedjie word uiteengesit as anti-God en satanisties. Nou kry ek hierdie waarskuwing. Toe ek voorheen na die liedjie geluister het, het dit geen impak op my of my lewe gehad nie. Nou is dit in my onderbewussyn, en nou gaan die stemmetjie elke keer met my praat wanneer die liedjie gespeel word en my waarsku.

So is daar in onsself en ons ervaring met mense waarskuwings wat op dieselfde manier na ons toe kom. Waarskuwings wat ons baie keer soos 'n steeks donkie nie wil hoor nie, maar eintlik voor ons siele weet wat verkeerd is, maar ons doen dit steeds. Die uitkoms van hierdie ongehoorsaamheid, nie aan ander mense nie, maar aan onsself, bring ons onsself soveel skade, en dan blammeer ons die mense om ons vir die aksies.

Dit gaan hier gladnie oor morele waardes of oor sonde nie, maar oor "common sense". As jy weet dat dit wat jy doen of dink verkeerd is, moet eenvoudig dit nie doen nie. Een van die dinge van mense wat hulleself nie ken nie, en nie eg is aan hulleself en die regte aksies nie, dat dit nooit hulle is wat 'n oorsaak van 'n aksie is nie, en daar is legio verskonings en redes agter dit.

Ons weet almal wat die regte dinge is om te doen, kom ons gaan vandag uit en luister na die stem van God wat in ons leef en maak die lewe vir die mense om my beter en nie slegter nie. Die mense om jou wat se e-mail adres jy vandag gaan intik, en die stemmetjie se vir jou dat jy 'n tikfout gemaak het, maak dit reg.

"If what you say or do does not have a positive outcome, don't say it and don't do it"

Sent via my BlackBerry from Vodacom - let your email find you!

Vergiffenis

Na aanleiding van my ander blogs, het baie mense redelike vrae gehad oor vergiffenis.

Die eerste punt wat ek wil maak is dat dit baie moeilik is om te vergewe. Veral omdat mense dinge aan ons doen, direk of indirek, wat ons emosioneel wond. Ons sukkel dan om te vergewe, want die seer bly by ons.

Ek dink dat ons leef volgens die filosofie van verdienste. Ons glo dat mense respek en liefde moet verdien. In die film "Entrapment" is daar n goeie aanhaling wat dit opsom: "first we do, and then we trust". So wil ons ook dat mense moet verdien, eers iets moet doen voordat ons reageer met liefde, vertroue en ook vergiffenis.

Vergiffenis is egter die moeilike van die 3, want dit sluit ook vergeet in.

Jesus het n totaal nuwe konsep in die Nuwe Testament kom leer. Totale vergiffenis en vergeet. Selfs aan die kruis se Hy: "Vader, vergewe hulle, want hulle weet nie wat hulle doen nie".

In hierdie woorde is daar belangrike geheime van vergiffenis.

1. Vergiffenis kom uit jouself. Jy besluit om te vergewe sonder dat iemand dit verdien. Jy doen dit vir jouself, en nie vir iemand anders nie. Jesus het op n nuwe manier na mense gekyk.

2. Mense wat self sondig is moet nie klippe gooi nie. Ons almal doen baie dinge elke dag verkeerd, en ons loop met balke in ons oe, en oordeel die met die splinters in hulle oe. Daar is nie skale van erger en minder erg nie. Jy vergewe omdat jy ook nie volmaak is nie, en wie is jy om oordeel te fel oor ander? Selfs jy weet ook nie altyd hoeveel seer jy ander aandoen of gedoen het nie.

3. Jy en mense vir wie jy kwaad is, doen soms dinge wat nie daarop gemik is om jou seer te maak nie. Mense dink, doen en sien die lewe verskillend, en heel moontlik het hulle redes hoekom hulle dinge doen wat nie geheel en al gerig was op jou verwoesting nie.

In die "four agreements" is twee van die punte vir geluk dat jy nie alles persoonlik moet opneem nie en ook nie aannames moet maak nie.

Daar is dalk omstandighede waar jy voel dat dit met voorbedagte rade is dat iemand iets gedoen het, maar in genade kan en moet ons besef dat dit hulle realiteit is wat tot hierdie aksie gelei het. Dalk het jy ook n rol gespeel in die oorsprong van die aksie.

Wees dus genadig met mense en met mense, want elkeen leef in hulle eie realiteit en redes. Jy self is nie onberispelik nie, so jy kan en mag nie oordeel nie.

4. Vergiffenis gaan nie net oor die ander persoon nie, dit handel oor JOU. Deur ander te vergewe beteken meer vir jou, want jy spreek jouself vry, en laat nie meer toe dat wat gebeur het jou elke dag en die res van jou lewe affekteer nie. As jy dit nie doen nie, gee jy die mag aan die insident om jou elke liewe dag te pynig. Stel jouself vry.

5. Mense wil ook nie vergewe nie, aangesien hulle voel dat vergiffenis die "swartskaap" die idee gee dat wat hulle gedoen het reg en aanvaarbaar was. Ons vergewe nie, want ons wil nie he dat hulle moet "wegkom" nie, maar moet swaarkry.

Ek het vir jou nuus, dis jy wat swaarkry en nie wegkom nie. Die ander persoon het reeds "weggekom". Dit le vir hulle in die verlede, maar jy dra dit elke dag saam.

Dit is belangrik om nie daarom te dink dat ons kan doen wat ons wil of ander kan toelaat om te doen wat hulle wil nie. Daar is natuurlik altyd balans.

Moeder Theresa het dit so opgesom: "You will try to do good, and people will throw it back in your face, but that is no reason to stop doing good"

Daar is nie plek vir "revenge" in die wereld nie. Jy maak die lewe net erger vir jouself as jy genot vind in ander wat jou seergemaak het se ongeluk. Oorwin jouself en jou kinderagtig "kierinkies braai" filosofie, en vergewe in die voorbeeld van God en Jesus deur nooit weer daaraan te dink nie.

Vergewe en Vergeet is die oorwinning, anders bly jy n slaaf van jou wrokke en woede.

Gaan leef n vrye gelukkig dag!
Sent via my BlackBerry from Vodacom - let your email find you!